aisia.net
jolasak jolas interaktiboak jostailu gida argitalpenak txatak albisteak parte hartzekoak zerbitzuak kontaktua
argitalpenak
Jostailua eskatu

Piratak altxorraren bila

Urtxintxa Eskolak 2004ko udazkenean Piratak altxorraren bila jostailua argitaratu du. Argitalpen honen bidez, haurren aisialdirako euskarazko baliabide berri bat eskaini nahi dugu.

Jostailu kooperatiboa sortu dugu, honela, jokalari bakoitzak beste jokalariekin lankidetzan aritu beharko du helmugara iristeko; litekeena norbaitek lankidetzan jardun nahi ez izatea, baina jolasa are zailagoa izango da.

piratak altxorraren bila
6 urtetik gorakoentzat jostailu egokia, itsas munduaren eta euskal piraten gaineko hainbat gauza ezagutzeko eta, aldi berean, ikasi edo errepasatzeko aukera eskaintzen du. Euskarazko itsas hiztegia lantzeko erabil daiteke, eta haurraren motibazioaz baliatuta itsas inguruneko bitxikeria eta gertaerei buruzko informazio eskuratzeko tresna egokia da.

NOLA JOLASTU

Pirata bakoitzak bere gordelekua izango du euskal kostaldeko porturen batean: Baionan, Pasaian, Getarian edo Gorlizen. Bidaiari ekin aurretik, ekipaia osatzeko falta zaizkizuen elementuak lortu beharko dituzue. Zuen itsasontzia portutik irten ahal izateko, lau tresna dira batu beharrekoak. Baina, tresnak lortu ahal izateko, hainbat eratako jarduerak (galderak, mimika, igarkizunak, marrazkiak, probak) gainditu beharko dituzue; eta gainera, beste jolaskideekin trukean edo apustuan aritu beharko duzue.
Bigarren zatian, altxorra topatzen ahalegindu beharko duzue; aurretik, itsasoa zeharkatzean agertzen zaizkizuen oztopoak (karramarroak, ekaitza, piratak, marrazoak,...) gainditu beharko dituzue ordea. Uhartera iritsitakoan, altxorra aurkitzea izango da zuen betebeharra. Baina kontuz! Bidean, zenbait trabarekin egingo duzue topo, eta horiei aurre egiteko tresnak eskuratu beharko dituzue. Tresnak lortzeko, ezinbestekoa izango da elkarren arteko lankidetza. Zuen esku egongo da guztiok elkarrekin altxorra eskuratzea, edo zuetako batzuk soilik iristea.

Bidai ona izan.

Prezioa: 36 €

Produktu hau www.aisia.net web gunearen bidez eskatuz gero, %25eko beherapena izango duzu.