Jolasak > goma jolasa
Kilometro bat oinez
Adina: 4 urtetik aurrera
Kopurua: Gutxienez 4
Materiala: Goma elastikoa
Espazioa: Edozein
Iruditan: ikusi
Materiala
Azalpena
1
Gomaren barnealdean hiru, lau, bost, etab. lagun jarriz gero hirukia, laukia, eta abar sortzen da. Gainontzeko taldekideak, gomak osatzen dituen aldeetan banatuko dira.
2
Abestiarekin batera jolaskide guztiek honako mugimendu hauek errepikatuko dituzte:
KILOMETRO BAT OINEZ IBILIZ IBILIZ
KILOMETRO BAT OINEZ...
1. Eskuineko hankarekin goma zapaldu
2. Ezkerreko hankarekin goma zapaldu, eskuineko hanka altxatu gabe
3. Eskuineko hanka gomatik altxatu
4. Ezkerreko hanka gomatik altxatu
Lau mugimendu hauek hiru aldiz errepikatuko dira abestiaren erritmoari jarraituz.
...BI ZAPATAK HAUTSIZ
3
Gomak osatzen duen irudiaren barruan (hirukia, laukia...) bi pauso emanez eskuinaldera mugituko dira jokalari guztiak.
4
Ondoren abestia berriro hasiko da eta mugimendu berak egingo dira. Jolasa errepikatu egingo da, jokalari bakoitza hasieran zegoen tokira itzuli arte. Orduan, aurretik inork hutsik egin ez badu, gomari eusten daudenek goma zangarretan jarriko dute eta berriro kantatzeari ekingo diote.
5
Pixkanaka-pixkanaka goma igotzen joango dira: orkatilak, zangarrak, belaun atzealdeak, ipurdia, gerria, besapeak eta lepoa.
Informazio soziokulturala
Goma jolas honetan erabiltzen den abestia Imanol Urbietak argitaratutako Xixupika I liburuan agertzen da. Liburu horretan ez da, dena den, goman jolasteko era hau agertzen, beraz, liburua argitaratu ondorengo moldaera bat da goma jolas hau.
Esamoldeak
- BETE IZAN
Betetzea, txito izan, zigortua, itsu izan, izan (jolas honetan goma eusten daudenak) - HUTS EGIN
Gaizki egin, kale egin. - GOMARI EUSTEKO ERAK
orkatiletan: lehenengoa
zangarretan: bigarrena
belaunen atzealdean: hirugarrena
ipurdian: laugarrena
gerrian: bosgarrena
besapeetan, galtzarbeetan: seigarrena
lepoan: zazpigarrena
sudur eta belarri parean: zortzigarrena
buru gainean: bederatzigarrena
besoak buru gainean luzatuta: hamargarrena
Gaitasunak
- JARDUERA LUDIKOA
Mugimenduzko eta trebetasunezko jokoa. - JOKAERA KOGNITIBOAK
Sentipenezko eta mugimenduzko jokaera erritmikoa: errepikapena.
Eragiketa jokaera: arrazoibide konkretua. - TREBETASUN FUNTZIONALAK
Ikerketa: lekualdatzea (saltoa).
Eraginkortasuna: zalutasuna eta arintasuna. - ALDERDI SOZIALAK
Bana-banako harremana: gizabanakoa-gizabanakoa.
Abestia
KILOMETRO BAT OINEZ
IBILIZ IBILIZ
KILOMETRO BAT OINEZ
BI ZAPATAK HAUTSIZ
Iruzkinak
* Dutenak beharrezkoak dira
