Jarraian dituzuen ikastaroak zuen herrian, auzoan, ikastetxean edo elkartean antolatu daitezke. Astean zehar eta asteburuetan zuek aukeratutako ordutegian garatu dezakegu honelako ikastaro bat. Horretarako, 8 eta 20 lagun arteko taldea osatu behar duzue eta Gipuzkoako Urtxintxa Eskolarekin harremanetan jarri.
GURASOENTZAT
Guraso eta seme-alaben arteko euskararen transmisioa ezinbestekoa da euskararen etorkizuna ziurtatzeko. Egun, gurasoek dakizkiten haur jolas eta kanta gehienak erdaraz direla ikusita Euskal Jolasen ikastaroak lagungarria izan daitezke ongi pasaz hizkuntzaren transmisiorako hainbat tresna ikasteko.
1. GURASOEI ZUZENDUTAKO EUSKAL JOLASEN IKASTAROA2. GURASO ETA HAURREI ZUZENDUTAKO EUSKAL JOLASEN IKASTAROA
3. 0-5 URTEKO HAURREN JOLAS ETA ABESTIAK
IRAKASLEENTZAT
Azken urteetan, euskaraz ikasten duten haurrek jolas orduetan erdaraz hitz egiten entzutea irakasle askoren kezka da. Haurrek, euskaraz jolasteko tresnak behar dituzte eta horretarako gai honetan irakasleen formazioa ezinbestekoa da. Urtxintxak 10 urte daramatza irakasleentzat euskal jolasen ikastaroak ematen, eta urte hauetan 1500 irakaslek jaso dute euskarazko jolasen formazioa.
4. EUSKAL JOLASAK5. HIZKUNTZA JOLASAK (berria!)
6. HAUR HIZKERA ETA JOLAS HIZKERA (berria!)
BEGIRALEENTZAT
Aisialdiko jardueratan jolasak berebiziko garrantzia du. Horregatik Urtxintxak aisialdiko formazioan garrantzi handia eskaintzen dio euskarazko jolasei. Honekin batera, begiraleek udalekuetan, herrian antolatzen diren jardunaldietan eta haur eta gazte ekipamenduetan euskara sustatzeko behar duten formazioa eskaintzen dugu.
7. EUSKAL JOLASEN IKASTAROA8. AISIALDIAN EUSKARAREN ERABILERA SUSTATZEKO PROGRAMAZIOAK
9. LAGUNARTEKO HIZKERAREKIN JOLASEAN
10. SOZIOLINGUISTIKA AISIALDIAN
11. UDALEKUEN ANTOLAKUNTZA